ဒီလိုနဲ့
တယ်လီဖုန်းသံ ကြားမှ လန့်နိုး
မြားနတ်မောင်က မင်းနာမည်ကို ခိုးသွားတယ်။
ဒီလိုအချိန်မှာ...
ရေကန်က အသင့်ဖြစ်နေပြီလေ..
ကြာတွေက မပွင့်သေးတာပါ။
အရေပြားဆိုတာလည်း အပ်တစ်ထောက်ပဲ
ချွေးပေါက်တွေ အဝမကျယ်ခင်
တစ်ချို့လူတွေ စုဆောင်းကြ...
တစ်ချို့လူတွေ ဆက်လျှောက်ကြ။
မင်းနဲ့ငါ ရေးမယ့်
မနက်ဖြန်ရဲ့ သမိုင်းအကြောင်းလည်း
နှောင်းလူတွေ ပြောပါလိမ့်မယ်။
ငါတို့အလုပ်က ဘယ်သူ့မျက်နှာကိုမှ လျှာနဲ့ရက်ဖို့မဟုတ်
ကော်ဖီသောက်ချိန်တောင် ရသေးတယ်။
အမြဲတမ်း တစ္ဆေလို ခြောက်
အဲ့ဒီ ကံကြမ္မာဆိုတဲ့ အကောင်လည်း
သနားတယ်။
ဒီလိုအချိန်မှာ...။
ချမ်းညီချို
02-03-2010
No comments:
Post a Comment