+++ ရည်းစားဟောင်း +++
တစ်နေရာဆီ သွားဖို့
တစ်လှေထဲ စီးခဲ့မိသူတွေပါ။
လစဉ်တိုင်းမှာ ပထမ
အတန်းတင်ကျမှ ခြစ်ချ တဲ့
မေးခွန်းလွှာ တစ်ခု လို...။
(တစ်ချို့လူတွေအတွက်)
တစ်ယောက်တည်း
တိုးတိုးလေးပဲ ညည်းခွင့်ရှိတော့တဲ့
သတိရမှုတစ်ခု။
ဆွဲနှုတ်ကြည့်မှ တအားရှည်မှန်း သိရတဲ့
သံယောဇဉ် နွယ်ပင်တွေနဲ့
ပေါင်းသင်ဖို့ မေ့ခဲ့တဲ့ ဥယျာဉ်ဟောင်း တစ်ခု မှာ..။
ကိုယ့်ဘာသာကိုယ် ပြန်နင်းမိတဲ့ အရိပ်တစ်ခု
စမ်းကြည့်ရင် မခဲသေးတဲ့ မျက်ရည်တစ်စက် နဲ့...
ခေါင်းစဉ်မတပ်ဖူးတဲ့ ပျော်ပွဲစားတစ်ခု ဟာ...။
မြေကြီးနဲ့ တီကောင်လို ရောထွေးခဲ့ကြလည်း..
အဆုံးသတ်မှာတော့
ပုံပြင်ကို ပုံပြင်လိုပဲ
ထားရမယ့် ပုံပြင်တစ်ပုဒ်ပါပဲ။
ချမ်းညီချို
27-02-2010
No comments:
Post a Comment