အပြာရောင် ဂြိုဟ်သားများ (၁၄)

ကျွန်တော့် အမအကြီးဟာ ကျွန်တော့်ကို တော်တော်လေး ချစ်ပါတယ်။ ဘယ်လောက်တောင်ချစ်သလဲဆိုရင် အမှတ်တရဖြစ်အောင်ဆိုပြီး ကျွန်တော့်တူမလေးတွေကို ကျွန်တော့်မွေးနေ့ မတ်လ(၆)ရက်နေ့မှာ ဗိုက်ခွဲပြီး မွေးပေးခဲ့တဲ့ အထိပါပဲ။ ဆရာဝန်ရဲ့ အဆိုအရ စောင့်မယ်ဆိုရင် နောက်ထပ် ငါးရက်၊ တစ်ပတ်လောက် စောင့်လို့ရနေသေးတယ်။ ဒါပေမယ့် မမကတော့ ကျွန်တော့်မွေးနေ့မှာ အမှတ်တရဖြစ်အောင်၊ သူ့သမီးလေးတွေနဲ့ မွေးရက်ချင်းတူအောင်ဆိုပြီး ဗိုက်ခွဲပြီး မွေးပစ်လိုက်တာပါပဲ။ ကျွန်တော့် ရင်ထဲမှာ ဘယ်လိုရှိမလဲ မေးစရာ မလိုပါဘူး၊ ကျွန်တော် အရမ်း ပျော်ပါတယ်။ ကျွန်တော့်အမကို အရင်ကထက် ပိုချစ်မိလာတယ်။ ကျွန်တော့်ယောက်ဖ ရင်ထဲမှာကော ဘယ်လို ရှိမလဲ စဉ်းစားကြည့်နိုင်ပါတယ်။ သူ့ခမျာ အချိန်မစေ့ခင် မွေးမှာမို့လို့ သူ့မိန်းမအတွက်ကော၊ ကလေးတွေအတွက်ပါ အရမ်းစိုးရိမ်နေရတော့တာပေါ့။ သူ့နေရာမှာ တခြားလူသာဆိုရင် စိတ်ဆိုးကောင်း ဆိုးပါလိမ့်မယ်။ ကျွန်တော့်အမကိုသာမက ကျွန်တော့်ကိုပါ ဒေါသတွေလှိမ့်ထွက်နေလောက်ပါတယ်။ ဒါပေမယ့် ကျွန်တော့်ယောက်ဖက အပေါ်စားရုပ်ရှင်တွေထဲကလို အကိုတွေ၊ မောင်တွေနဲ့ အဆင်မပြေတဲ့ ယောက်ဖမျိုး မဟုတ်ဘူး။ သူကလည်း ကျွန်တော့်ကို ညီအရင်းတစ်ယောက်လို ချစ်တဲ့ ယောက်ဖဆိုတော့ သူလည်း ပျော်တယ်။ ဒီလိုနဲ့ပဲ အခုတော့ ကျွန်တော့်တူမအမြွှာလေးနှစ်ယောက်ဟာ  ကျွန်တော်နဲ့  မွေးရက်အတူတူဖြစ်လို့ နေပါတော့တယ်။



ချမ်းညီချို
06-06-2011

ဖြစ်နေကျအချစ်ပုံစံ (၁၉)

သူ့အကိုက သူ့ညီမကို သိပ်ချစ်တယ်။ မိန်းမယူတော့ သူ့ညီမနဲ့ ရုပ်ချင်းဆင်တဲ့ မိန်းမကို ရှာယူတယ်။ ရုပ်ရည်တင်မဟုတ်ဘူး၊ အမူအကျင့် တော်တော်များများလည်း တူကြတယ်။ မနက်စာကို အိပ်ရာထထချင်း မစားပဲ ကော်ဖီတစ်ခွက် အရင်သောက်၊ တစ်နာရီလောက် ခြားပြီးတော့မှ စားတာမျိုးက အစ၊ စားချင်တဲ့ အစားအသောက်ကို ဘယ်လောက် ခရီးဝေးဝေး တကူးတက သွားဝယ်ပြီး အိမ်မှာ ကိုယ်တိုင်စိတ်ကြိုက် ချက်စားတာမျိုးအထိ ခပ်ဆင်ဆင် အကျင့်တွေရှိတယ်။ သူ့ညီမလိုပဲ သူ့မိန်းမကလည်း အပေါင်းအသင်းတွေကို တွယ်တာတယ်။ စနေ၊ တနင်္ဂနွေဆိုရင် အပေါင်းအသင်းတွေနဲ့ အိမ်မှာ တစ်ခုခု ချက်စားနေကျ။ ဒီအကျင့်လည်း တူတယ်။ စကားကို ကျယ်လောင်ကျယ်လောင်နဲ့ ပြောတတ်တာလည်း တူတယ်။ ရုပ်ရှင်ကြိုက်တာလည်း တူတယ်။ သူ့ညီမက နိုင်ငံခြားမှာဆိုတော့ အနားမှာ သူ့ညီမနဲ့တူတဲ့ မိန်းမရှိနေတာ သူ့အကိုအတွက် အလွမ်းလည်း ပြေစေတယ်။ ဂါဝန်အပြာလေးနဲ့ ခြံထဲမှာ ဟိုဟိုဒီဒီ လျှောက်သွားနေတတ်တဲ့ သူ့ညီမကို သတိရလို့တဲ့ သူ့မိန်းမအတွက် ဆင်တူ ဂါဝန်အပြာလေးတစ်ထည် ဝယ်လာပေးဖူးတယ်။ ခြံထဲမှာ ဂါဝန်အပြာလေးဝတ်ပြီး အလုပ်လုပ်နေတဲ့ သူ့မိန်းမကို ကြည့်ရင်း သူ့ညီမကို ပိုပြီး သတိရမိတယ်။ ညီအစ်ကို မောင်နှမကလည်း ဒီ နှစ်ယောက်ပဲ ရှိတာဖြစ်တဲ့အတွက် သူ့အကိုက သူ့ညီမကို သိပ်ချစ်တာ မဆန်းဘူးလို့ ထင်ပါတယ်။ သူ့အကိုကလည်း သူ့ညီမရဲ့ အဝတ်အစားတွေနဲ့ တိတိကျကျ ဆင်တူကြီးမဟုတ်တောင် တော်တော်လေးဆင်တဲ့ အဝတ်အစားတွေ သူ့မိန်းမအတွက် ဝယ်လာပေးလေ့ရှိတယ်။ သူ့အကိုအတွက်ကတော့ သူ့မိန်းမကို မြင်နေရတာ သူ့ညီမလေးကို မြင်နေရသလိုပဲ အလွမ်းပြေတယ်၊ စိတ်ချမ်းသာတယ်။ ပြဿနာက ဘယ်သူက သွားပြီး စလိုက်သလဲတော့ မသိဘူး။ သူ့ညီမနဲ့ တူလို့ သူ့ကို ယူတာပါလို့ သူ့မိန်းမကို ဘယ်သူက သွားပြောလိုက်သလဲ မသိဘူး။ သူ့မိန်းမက ဒါကို စိတ်ဆိုးတယ်။ သူ့မိန်းမက ဘာလို့ စိတ်ဆိုးလဲ ကျနော်လည်း မသိဘူး။ သူ့အကိုကတော့ သူ့ညီမကို သိပ်ချစ်တယ်။ သူ့ညီမနဲ့ တူလို့ သူ့ကို ယူတာပါလို့ အပြောခံရတဲ့ သူ့မိန်းမကတော့ အခု စိတ်ဆိုးနေတယ်။ ဘာမှန်းတော့ မသိဘူး၊ ဝမ်းနည်းတယ်လို့လည်း ပြောပါတယ်။


ချမ်းညီချို
06-06-2011