အချိန်ရရင်ဖတ်ပေါ့ ကိုကို (သစ်သု)

(၁) သွားရတော့မယ် ကိုကို ..။
တကယ်ဆို ဒီလိုဝေးကွာခြင်းမျိုးဟာ အဆန်းတော့ မဟုတ်ပါဘူး။ ဘယ်တုန်းကမှ တူတူရှိခဲ့တာမှမဟုတ်တာ။ ထားပါတော့။ ဒီလိုအချိန်မျိုးဟာ မိုးလေးခပ်ဖွဲဖွဲကျနေပြီး တစ်ယောက်ကိုတစ်ယောက်က စာဖတ်ပြ။ တစ်ယောက်နားမလည်တဲ့စာကို တစ်ယောက်ကရှင်းပြနေတဲ့အချိန် ဖြစ်နေသင့်တာ။ အနားမှာက အနောက်တိုင်းဆန်ဆန်မီးပုံလေးနဲ့ မှိန်ပြပြမီးရောင်ကြားမှာ တစ်ယောက်ကိုတစ်ယောက် မေ့မြောအောင်ကြည့်ကြ။ ပြီးရင် ကိုကို သက်ပြင်းရှိုက်မယ်။ မတ်တပ်ရပ်မယ်(ဘောင်းဘီအိတ်ထဲလက်ထည့်ပြီး) အိမ်ရှေ့ဘက်လျှောက်သွားပြီး စီးကရက်ဖွာမယ်။ မိုးရွာနေတာကို တူတူကြည့်ဖို့လှမ်းခေါ်မယ်။ ကျွန်မက ဘာထူးဆန်းလို့လဲ မိုးရာသီမိုးရွာတာပဲ ဆိုပြီး၊ ငြူစူမယ်၊ စိတ်ကောက်နေပြန်ပြီလားဆို ကိုကိုကအထဲပြန်ဝင်လာမယ်။ နားရွက်ကိုဆွဲနေကျအတိုင်း ခပ်ဖွဖွဆွဲလိမ်မယ်။ သွား သွား အိမ်ပြန်နောက်ကျမယ်ဆိုပြီး ပြန်ပို့ဖို့ ပြင်ဆင်မယ်။ ကျွန်မက ပြန်ခါနီး နှုတ်ဆက်နေကျအတိုင်း နှုတ်ဆက်မယ်။

(၂) မထင်ခဲ့ဘူးပေါ့ ကိုကို ..။
ကျွန်မတို့ ဝေးသွားကြတာ။ ဘယ်သူကမှ ဘယ်သူ့ကို ထားခဲ့တာလည်း မဟုတ်ရပါဘူး။ တစ်ယောက်နဲ့တစ်ယောက်လည်း အပြစ်မမြင်ခဲ့ကြပါဘူး။ ကျွန်မတို့ သိပ်လိုက်ဖက်ညီနေလို့များ (လိုက်ဖက်ညီတယ်ဆိုတာ မရှာဘဲ တွေ့ခဲ့တဲ့ ထပ်တူညီမှုတွေပါ) ဘုရားသခင်က ကြည့်မရတော့လို့ နှင်တံနဲ့ တို့လိုက်လေသလား။ ကျွန်မတို့နှစ်ယောက် တစ်ယောက်ကတစ်ယောက်ရဲ့ ပထမတို့ နောက်ဆုံးတို့ ဘာတို့များ ဖြစ်ချင်ခဲ့ကြလား။ နှစ်ယောက်လုံး မရှိခဲ့ကြဘူး။ ကျွန်မတို့နှစ်ယောက် ဆက်ဆံရေးကို ဘေးလူတွေက ဘယ်လိုတွေလဲဆိုပြီး အံ့သြနေကြလေမလား။ လမ်းမှာတွေ့လည်း ပြုံးနေနိုင်ရမှာပေါ့။ တစ်ယောက်နဲ့တစ်ယောက် မပူလောင်စေခဲ့ဘူး။ ဘာနဲ့မှ မချည်ခဲ့ကြပါဘူး။

(၃) ကျွန်မတို့နှစ်ယောက် ပန်းခြံမသွားဘူး။ ရုပ်ရှင်ရုံမှောင်မှောင်လည်း မသွားဘူး။ ချစ်သူတွေသွားကြတယ်ဆိုတဲ့နေရာတွေ မရောက်ခဲ့ပါဘူး။ ကျွန်မရော ကိုကိုပါ မာနမကြီးကြပါဘူး။ ဒါပေမယ့် ကိုယ့်လိုင်းပေါ်မှာကိုယ်ရပ်တယ်။ သူများလိုင်းကို ကျော်မကြည့်ဘူး။ ကျွန်မတို့ဟာ အနီးကပ်ဆုံးဖြစ်နေတဲ့ အဝေးကလူတွေပါပဲ။ ကျွန်မတို့အတွက် ရင်ခုန်မှု အထိအတွေ့သာယာမှု သ၀န်တိုမှု ချုပ်ချယ်မှု ဘာဆိုဘာမှမရှိခဲ့ပါဘူး။ ကိုကိုနဲ့ကျွန်မဟာ အရမ်းကို မှောင်မိုက်နက်ရှိုင်းတဲ့ အဖြူရောင်တွေပါ။
ကျွန်မတို့ကို ဘာက နီးကပ်စေလဲတော့မသိဘူး။ ဝေးသွားရတာတော့ ကိုကိုနဲ့ကျွန်မ အရမ်းနီးကပ်ခဲ့လို့ပါပဲ။
ကျွန်မတို့အတွက် ဘာစာရွက်စာတမ်းမှ မလိုဘူး။ ကျွန်မ ငိုခဲ့သလား။ ကိုကိုရော ငိုနေမလား။ ဒါဟာ နောက်ဆုံးတွေ့ခြင်းပဲဆိုတာသိလျက်နဲ့ ကျွန်မတို့နှစ်ယောက်အတူရှိနေရဲတာ ဘာကြောင့်လဲ။ ကိုကို ၀မ်းမနည်းသလို ကျွန်မလည်း ၀မ်းမနည်းခဲ့ဘူး။

(၄) ကျွန်မတို့က အစတည်းက လွတ်မြောက်ခြင်းနဲ့ ချစ်ခဲ့ကြတော့ ဒီလိုတစ်နေ့ဖြစ်လာမယ်ဆိုတာ သိနေသလိုလိုပါပဲ။ ကျွန်မလည်း ဘာမှမထိခိုက်သလို ကိုကိုလည်း ဘာမှမထိခိုက်ပါဘူး။ ကိုကိုကတော့ လက်ဆစ်တွေအရင်ထက် ပိုချိုးမယ်။ ဆေးလိပ်တွေအရင်ထက် ပိုသောက်မယ်။ အရင်ထက် အခန်းကိုပိုဖွမယ်။ ထမင်းတွေ ဟင်းတွေ အပြင်က၀ယ်စားမယ်။ အရင်ထက် နောက်ကျအောင် စာတွေထိုင်ဖတ်မယ်။ အခန်းထဲမှာ လမ်းလျှောက်မယ်။ ကျွန်မရော။ ကျွန်မ ဘာထိခိုက်လဲ။ ကျွန်မ မသိဘူး။ ကျွန်မက ကိုယ့်ကိုကိုယ်ထက် ကိုကို့ကို ပိုစိတ်ဝင်စားတာကိုး။ကျွန်မက ကိုယ့်ကိုကိုယ်လည်း အထင်ကြီးတယ်။ ယုံကြည်တယ်။

(၅) ကျွန်မကို ကိုကို သတိရတဲ့ စနေနေ့ညချမ်း အချိန်ရောက်ရင် အိမ်ရှေ့ထွက်ပြီးကောင်းကင်ကို မော့ကြည့်ပါ အဲဒီမှာကျွန်မရှိမယ်။ ကိုကို သောက်နေတုန်း သတိရရင် ၀ိုင်ခွက်ထဲကို ငုံ့ကြည့်ပါ၊ အဲဒီမှာကျွန်မရှိမယ်။ စီးကရက်ဖွာတုန်း သတိရရင်မီးခြစ်လေးကို ကြည့်လိုက်ပါ။ မီးတောက်ထဲမှာ ကျွန်မရှိမယ်။ စာအုပ်ဖတ်တုန်း သတိရရင် စာအုပ်ကိုချလို့ ကျွန်မစာကိုလာဖတ်ပါ။ ။

(၆) ကျွန်မသွားပြီ ကိုကို...။
ကီအေးရို အိန်ကွန်တာရားအာသိ ! (စပိန်နစ်(ရှ))

သစ်သု
၂၀၁၀