+++ အပြာရောင် ဂြိုဟ်သားများ (၁) +++
စကားဆိုဖို့ထက် ငြင်းဆိုဖို့ ခက်
ဟောဒီ ငယ်ဘဝ နေ့ရက်များထဲမှာ..။
ဘေးမဲ့ အချိန်တစ်ခုရဲ့...
ဆွေစဉ်မျိုးဆက် အိပ်မက်တွေထဲ
ငါဆိုတဲ့ အကောင်က
အမှောင်တွေပဲ ရ ရနေခဲ့။
နင်က ဒါဖြစ်ရမယ်၊ နင်က ဒါလေ
ဟဲ့ နင်က........
"ဘယ်လိုပဲ ဖြစ်ဖြစ်"
"စိတ်မပူပါနဲ့" ငါ့စကား
တံခါးကြားမှာ ကျန်ခဲ့တယ်။
အဲဒါ
ထွေရာလေးပါးနဲ့ သိပ်မကွာတဲ့
ဓာတ်ကြီးလေးပါးရဲ့ စကားပေါ့။
ပညာ၊ ဂုဏ်၊ ငွေ နဲ့
သင် ရှုနေတဲ့လေဆိုလား မသိပါဘူး။
ဒီလိုနဲ့ပဲ ခေါင်းညိတ်ခဲ့ရ
ဟုတ်ကဲ့ပြော ဆရာခေါ်ခဲ့ရ
မျက်နှာသစ် သွားတိုက်ခဲ့ရ နဲ့
ကြုံမှ မေးရဦးမယ်
ဘယ်သူက စပြီး
အိပ်ရာထရင် မျက်နှာသစ်ရမယ်လို့
ပြောသွားသလည်း ဆိုတာကို...။
ချမ်းညီချို
04-03-2010
No comments:
Post a Comment