သစ်ပင်တွေက တစ်ပင်ချင်းစီ ချိတ်ဆက်နေသလို
တစ်ယောက်ချင်းစီ ချိတ်ဆက်နေတဲ့ လူတွေကြားထဲက'ဖြတ်လျှောက်'
ဒီလိုနဲ့ လူတောထဲနေပြီး လူငတ်နေတယ်ဆိုတဲ့ စကားတစ်ခွန်းကို
သတိရမိချိန်မှာ မိုးရေလက်ချောင်းအကန်းတွေက
ကျွန်တော့်မျက်နှာကို (ကြိုတင် ပြောပြမထားပါပဲနဲ့)
ဝင်တိုးရင်း၊ ထိစမ်းရင်း၊ ဟိုမေးဒီမေးလုပ်နေတာမို့
'တကိုယ်ရေ လုံခြုံမှု' ကိုပဲ ထီးလို ဆောင်းထားလိုက်တော့
လေကြီးမိုးကြီး သိမှုတွေထဲ
ထီးအောက်က တကိုယ်ရေစာဟာ သွေ့ခြောက်လို့
ထီးအောက်ကအရိပ်ရဲ့ အရောင်ဟာ မည်းလို့
ထီးအောက်ကအရိပ် ဘယ်လိုပုံထွက်နေသလဲ ကြည့်မယ်အလုပ်မှာ
'ပျော်ရွှင်မှု' တဲ့ မိုးပေါ်ကကျလာတဲ့ စကားလုံးတစ်လုံး
(ကျွန်တော့်ကို အမှန်တကယ် အထိတ်တလန့်ဖြစ်စေခဲ့တာ ဝန်ခံပါတယ်)
'ပျော်ရွှင်မှု' တဲ့
မသိခဲ့ဘူး၊ လိုက်မရှာနိုင်ခဲ့ဘူး
ဒီလိုပဲလေ ...
... စာသင်တယ်၊ မိန်းမယူတယ်၊ တစ်ခါတစ်လေ ရယ်မောတယ်
... ကလေးတစ်ယောက်ရခဲ့တယ်၊ မျက်စိမှုန်လာတယ်
... ထမင်းစားကောင်းတဲ့ အခါ ကျေနပ်တယ်
ဒီလိုနဲ့ပဲ
ကျွန်တော် အမှန် နေထိုင်ခဲ့သလား
အမှန်က ကျွန်တော်နဲ့ နေထိုင်ခဲ့သလား
နေထိုင်ခဲ့တဲ့ ကျွန်တော်က အမှန်လား
အမှန်က ပျော်ရွှင်မှုလား၊ မသိခဲ့ပါဘူး
ဒီလိုပါပဲ၊ ဆက်တော့လျှောက်ရဦးမှာပေါ့
ရှေ့က ရွှံ့နဲ့ရေ ရောနေတဲ့ ဗွက်မှာ သေခြင်းတရားသာ အိုင်ထွန်းနေတယ်ဆိုသော်လည်း
စက္ကန့် မိနစ်တို့ ရွာနေသော မိုးအတွက် လုံခြုံရာ ထီးမရှိဆိုသော်လည်း
ဆက်တော့လျှောက်နေရဦးမယ်
ကျွန်တော့်အိပ်မက်ကတော့ ကျွန်တော့်ကို စောင့်နေမှာပါလေ။ ။
ချမ်းညီချို
08-08-2010
No comments:
Post a Comment