အခိုင်ဆုံးခံတပ်ကို
ရင်ဘတ်တွေနဲ့ ဆောက်ကြရတယ်။
ထမီမှန်းသိပါရဲ့
ချမ်းတော့လည်း ခြုံမိပါတယ်ဆိုတဲ့ဆောင်း
ရာဇဝင်လိပ်ပြာသန့်သူတို့ ရင်ခေါင်းမှာ
ဘယ်တော့မှမရှိကြစကောင်းလေ။
ပေါင်မုန့်ရှိတဲ့အရပ်မှာ
အမှန်တရားရှာသူတွေ ပိုများလာခဲ့
သည်းချေပျက်တို့ ဇာတာစန်းလဂ်ကွန့်မြူးစဉ်။
အမေ ဘယ်လိုသိပ်သိပ်
ကိုယ်အိပ်မှ ပျော်မယ့်ညပါ။
ကိုယ့်မီးအိမ် ကိုယ်ကိုင်မြှောက်လို့
ကိုယ့်မီးတောက်ကို ကိုယ်ထွန်းညှိခဲ့ပါတယ်။
နောက်ဆုံးခံတပ်
ဒီမှာ ...
ငါ့ရင်ဘတ်လေ။ ။
မောင်သာချို
No comments:
Post a Comment